Ракометниот клуб Ѓорче Петров 2 продолжува со екипирањето за новата сезона, а најново име во тимот е искусната Савица Мркиќ Стојанов, која настапува на позицијата лев бек.
Мркиќ Стојанов во македонскиот клуб пристигнува од италијанскиот Ериче, носејќи со себе богато меѓународно искуство стекнато во неколку европски шампионати. Во текот на својата кариера настапуваше во клубови од Шпанија, Романија, Грција, Исланд, Србија, Германија, како и во други силни ракометни средини, каде изгради репутација на сигурен и квалитетен лев бек.
Со ангажманот на Мркиќ Стојанов, Ѓорче Петров 2 добива ракометарка со големо искуство, која треба да донесе дополнителен квалитет и стабилност во составот во пресрет на новите предизвици.
Од клубот официјално ѝ посакаа добредојде на искусната ракометарка, изразувајќи уверување дека нејзиното знаење, лидерски способности и долгогодишно интернационално искуство ќе бидат значајно засилување за екипата во претстојната сезона.
