Познати се официјалните лица за воведниот меч со кој денес се отвара 35. сезона во Првата македонска фудбалска лига.
Бењамин Ќерими ќе им суди на Тиквеш и Арсими, кој денес со почеток од 17 часот ќе играат на Градскиот стадион во Кавадарци. Негови асистенти ќе бидат Мартин Петковски и Александар Ѓурковски, а четврт судија е Ндерим Тефику.
Во ВАР собата ќе бидат Александар Грујоски и Вјолца Изеири, а оператор за повторување на снимка е Петар Стојановски.
Делегат на мечот од првото коло е Дејан Боневски, а контролор е Никола Караколев.
