Прволигашот Брегалница од Штип официјално потврди дека е продолжена соработката со Лука Георгиев и Дино Михолов.
Спортска Мрежа пред неколку дена објави дека Георгиев ќе остане во дресот на „сините“ и во следната сезона, за што сега Брегалница само ги потврди нашите најави кои и овој пат се потврдија за точни.
22-годишниот Георгиев беше дел од фудбалски академии во Германија, а во македонскиот фудбал настапуваше за Осогово, АП Брера Струмица и Детонит Плачковица.
Михолов има 21 година, а во неговата кариера покрај за матичната Брегалница беше дел и од Беласица, Детонит Плачковица и Скопје.
