Во новата сезона 2026/2027 во Првата ракометна лига во машка конкуренција ќе се натпреваруваат 14 екипи, меѓу нив има и два дебитанти.
Нови екипи кои за првпат ќе заиграат во Првата лига се Сокол Саса од Македонска Каменица, како и РК Илинден.
Во новата сезона ќе се натпреваруваат и два лански суперлигаши, Пролет и Радовиш, а пак Струга која иако испадна од Супер лигата ќе биде дел од елитата по откажувањето на Пролет од настап во суперлигашкото друштво.
Во новата сезона 2026/2027 ќе настапат Драчево Јуниор, Вардар Неготино, Преспа, Аеродром, Пролет, Овче Поле, Македонија Ѓорче Петров, Шампион, Радовиш, Партизан Гевгелија, Илинден, Текстилец, Јехона и Сокол Саса.
Минатата сезона Мулти Есенс беше шампион и обезбеди директен влез во елитата, со што тимот од Автокоманда се врати во Супер лигата, а пак Младост од Богданци ја доби Струга во баражот и се врати во Супер лигата, но и стружани ќе бидат дел од елитата, искористувајќи го моментот со откажувањето на Пролет од настап во елитата.
Сениорскиот ракомет нема да се игра во Кичево, откако минатата сезона РК Кичево беше исфрлен од натпреварување, а сите останати екипи кои се натпреваруваа во Првата лига и во новата сезона ќе се натпреваруваат.
