Новата сезона 2026/2027 во Првата македонска фудбалска лига ќе биде отворена во Кавадарци, каде ќе се одигра натпреварот меѓу Тиквеш и Арсими, а кој меч е закажан за петок од 17 часот.
Саботната програма нуди два натпревари. Шампионот Вардар на домашен терен ќе игра против штипска Брегалница, а пак Струга Трим Лум ќе се соочи со Шкендија Арачиново.
Двата натпревари ќе започнат во 17 часот.
Во недела ќе бидат одиграни два натпревари. Во 17 часот ќе се игра мечот во Кратово меѓу Силекс и Башкими, а во вечерен термин без публика ќе се одигра натпреварот меѓу Шкендија и Скопје, меч кој ќе се игра на тренинг центарот „Петар Милошевски“ во Скопје.
Причината за овој натпревар да се одигра во Скопје, наместо во Тетово е реконструкцијата на нивниот стадион, а ќе се игра без публика поради суспензијата од страна на Дисциплинската комисија на четири домашни натпревари.
