Денес на Градскиот стадион во Валандово се одигра пријателски натпревар меѓу третолигашот Победа и второлигашот Осогово, меч кој заврши без победник, со по еден гол за конечни 1:1.
Победа Валандово во новата сезона ќе влезе со значително изменет состав во однос на тој од минатата сезона и со неколку нови фудбалери. За „калинкарите“ стрелец на погодокот беше Столе Наков, а пак за „жетварите“ погоди новото засилување Алекс Димитров.
Резултатот беше во втор план, целта беше да се увиди како оди подигањето на формата по почетокот на летните подготовки, но и да се види како оди вклопувањето на новите засилување.
Победа Валандово минатата сезона беше шампион во Трета лига – Исток, но потоа во баражот загуби од Камјани, кој беше шампион во Трета лига – Запад и обезбеди историски пласман во Втора лига.
Екипата на Осогово минатата сезона заврши на високото шесто место, а новата сезона ја отвара во Струмица против Беласица.
