Второлигашот Новаци продолжува со екипирањето за новата сезона, а најново име кое пристигнува во тимот предводен од штипскиот стратег Иван Варадиновски е искусниот Мартин Димоски – Робен, кој доаѓа од редовите на прволигашот Брегалница.
Станува збор за фудбалер со богато искуство, кој се очекува да биде значајно засилување за амбициозниот состав на Новаци во претстојната сезона.
Во својата кариера, покрај за Брегалница, Димоски настапуваше и за Каменица Саса, Вардар Неготино, Детонит Плачковица, Силекс, Кит-Го од Пехчево, како и за поранешниот штипски второлигаш Баби.
Новаци веќе го одигра и првиот контролен натпревар во подготовките, на кој беше поразен од Охрид со минимални 1:0.
Се очекува екипата во наредниот период да продолжи со одигрување на пријателски средби и дополнително да го воигрува тимот пред стартот на новата второлигашка сезона.
Исто така, според информации на Спортска Мрежа се очекува уште барем две засилувања. Претходно, Новаци се засили со Кирил Стојков, Петар Гугуљанов, Стефан Спировски и Андреј Сиљаноски.
