Македонската тенисерка Лина Ѓорческа го заврши настапот на ВТА 125 турнирот во Палермо откако денеска во првото коло го загуби мечот со Ерика Андреева со 2:0 во сетови (62 60) за 82 минути. Двете тенисерки се наоѓаат една до друга на ВТА листата Ѓорческа (214.место) и Андреева (215.место).
Мечот беше решен во осмиот гем од првиот сет кога при сервис на македонската тенисерка беа одиграни 32 поена, а Андреева ја искористи 10-та сет топка. Во вториот сет тенисерката од Русија имаше три брејка и сетот го доби со 6:0 во гемови.
Ѓорческа за учеството на турнирот ќе добие еден поен. Следната недела македонската тенисерка е пријавена за настап на ИТФ 75 турнир во Хешингем, Германија.
