Љубителите на малиот фудбал и годинава ќе имаат можност да бидат дел од еден од најпознатите турнири во регионот. Од 3 август започнува 33. издание на турнирот во мал фудбал „Јосифовско лето 2026“, кој со години важи за спортски настан што ги обединува екипите и љубителите на фудбалот од целиот регион.
Организаторите и оваа година подготвија атрактивен награден фонд. Победничката екипа ќе освои 200.000 денари, второпласираниот тим ќе добие 100.000 денари, третото место носи 50.000 денари, додека четвртопласираната екипа ќе биде наградена со 20.000 денари.
Покрај екипните награди, ќе бидат прогласени и најдобриот играч и најдобриот голман на турнирот.
Котизацијата за учество во сениорска конкуренција изнесува 3.000 денари, а крајниот рок за пријавување е 1 август 2026 година.
Истата вечер, со почеток во 20:00 часот, во кафе-бар „Проект“ во Јосифово ќе биде одржана и жрепката, на која екипите ќе ги добијат своите противници за турнирот.
За дополнителни информации и пријавување, заинтересираните екипи можат да се јават на телефонскиот број 075 499 834 или да контактираат преку Facebook страницата „Јосифовско лето“.
И годинава, Спортска Мрежа ќе биде медиумски партнер на турнирот, обезбедувајќи комплетно медиумско следење на натпреварите, резултатите и сите најважни случувања од уште едно издание на традиционалниот турнир, кој повеќе од три децении претставува едно од најзначајните спортски случувања во овој дел од Македонија.
