Денес на YouTube каналот на Спортска Мрежа, со почеток од 17:30 часот, во ЖИВО ќе можете да го проследите пријателскиот натпревар помеѓу второлигашите Охрид и Новаци, кој ќе се одигра на стадионот „СРЦ Билјанини Извори“ во Охрид.
Натпреварот ќе биде реализиран со три камери и коментатор, со што на гледачите ќе им биде овозможено квалитетно телевизиско доживување и вистинска атмосфера директно од стадионот.
За двата тима ова ќе биде првиот контролен натпревар во рамки на летните подготовки. Тренерите Ромео Кочоски и Иван Варадиновски ќе имаат можност за првпат да ја проверат формата на своите фудбалери, но и да видат како новите засилувања се вклопуваат во екипите. Варадиноски е нов на тренерското столче на Новаци и за првпат ќе го води тимот.
Охрид и оваа сезона најавува сериозна борба за пласман во Првата македонска фудбалска лига, додека Новаци има амбиција да состави конкурентен тим кој ќе се бори за самиот врв на второлигашката табела.
Во досегашниот преоден рок, Охрид ги ангажираше Горан Силјановски – Шаро, Дамјан Масевски и Валентин Кочоски, додека Новаци ги промовираше Петар Гугуљанов, Кирил Стојков, Андреј Сиљаноски и Стефан Спировски како нови засилувања.
Интересно е што токму овие две екипи ќе се сретнат и во првото коло од новата сезона во Втората македонска фудбалска лига, а натпреварот повторно ќе се одигра на стадионот „Билјанини Извори“ во Охрид.
Нашиот тим е подготвен да реализира преноси во живо со три и четири камери од фудбалски натпревари, турнири во мал фудбал, ракометни натпревари, како и од многу други спортски настани.
