Со четири интересни натпревари вечерва започна овогодинешното издание на Меморијалниот турнир „Влатко Петров 2026“, кое и оваа година собра голем број квалитетни екипи и љубители на фудбалско игралиште во штипската населба Чардаклија.
Во првиот натпревар Тобис Агро со убедливи 5-2 го совлада составот на Каров Шпед Шкорпиони, а подоцна одигра возбудлив дуел против Not Stop Transport, кој заврши без победник 4-4.
Најефикасен натпревар вечерта одигра Техно Гума Мела, која со убедливи 15-2 ја совлада екипата на Чардаклија, додека Мист Пласт со службени 3-0 ја доби средбата против Магна.
Турнирот продолжува утре со три нови натпревари:
• 20:00 – Фаланга Штип – Meta Pixels
• 20:50 – Мист Пласт – Џоле Транс Коп
• 21:40 – Динамо Штип – Магна
И оваа година Спортска Мрежа е медиумски покровител на Меморијалниот турнир „Влатко Петров“, а во текот на турнирот ќе обезбеди редовни извештаи, фотографии, резултати и најинтересните моменти од натпреварите.
На отварањето на турнирот присуствуваше и градоначалникот на општина Штип, Иван Јорданов.
