Македонскиот одбојкарски шампион Штип УГД започнува со креирање на тимот за следната сезона, откако беше продолжена соработката со Давид Стојанов и Стојан Илиев.
Двајцата играчи ја продолжија соработката со клубот од градот под Исарот и за следната сезона.
„Раководството на нашиот клуб неуморно работи на конструирање на екипата која годинава за прв пат ќе настапи во Лигата на шампионите“, велат од клубот.
Штип УГД минатата сезона за првпат ја освои двојната круна, откако штипјани по првпат станаа шампионите, а претходно трипати во низа го освојуваа Купот на Македонија.
Во квалификациите за Лигата на шампионите, македонскиот шампион Штип УГД ќе игра против шампионот на Холандија, Орион Старс.
