Второлигашот Новаци го промовираше Стефан Спировски како ново засилување, се работи за 20-годишен фудбалер кој е дете на Пелистер.
Спировски може да ја покрива десната страна од теренот, односно може да игра како десен бек и десно крило, а минатата сезона настапуваше за второлигашот Преспа од Ресен.
За Спировски ова ќе биде враќање во второлигашот Новаци, бидејќи во период од јануари до август 2024 година го носеше дресот на Новаци.
Новаци претходно се засили со Андреј Сиљановски, кој доаѓа исто така од Пелистер, како и со Кирил Стојков и Петар Гугуљанов, двајцата во пакет пристигнаа од Кожуф.
