Раководството на ФК Пелистер го потврди ангажманот на искусниот фудбалер Мартин Мирчевски, кој по неколку години повторно се враќа во матичниот клуб каде што ги направи своите први фудбалски чекори.
Дваесет и деветгодишниот офанзивец зад себе има богата домашна и интернационална кариера. Во Македонија настапуваше за Беласица, Вардар, Брера Струмица и Силекс, додека во странство го носеше дресот на српскиот ТСЦ Бачка Топола и на босански Железничар Сараево.
Покрај клупската кариера, Мирчевски има и настап за сениорската репрезентација на Македонија, што дополнително ја потврдува неговата фудбалска вредност и искуство.
Со неговото враќање, Пелистер добива квалитетно засилување во пресрет на новата сезона, а навивачите ќе имаат можност повторно да го гледаат еден од своите поранешни миленици во зелено-белиот дрес. Клубот очекува Мирчевски да биде еден од носителите на играта и важен адут во остварувањето на амбициите во претстојниот шампионат и враќање на тимот повторно во ПМФЛ.
