Второлигашот Новаци денес ги започна подготовките за новата сезона која ќе започне на 15 август, откако новиот шеф на стручниот штаб Иван Варадиновски денес ја имаше првата прозивка со која се означи почеток на летните подготовки.
Клубот досега официјално се засили со Петар Гугуљанов и Кирил Стојков кои во пакет пристигнаа од Кожуф, а во следниот период се очекува уште некое засилување. Носителите на играта односно костурот на тимот е сочуван, а истиот ќе биде надополнет со цел да се зголеми квалитетот со сопствените редови.
Според информациите на Спортска Мрежа, Варадиновски веќе има во план да одигра неколку пријателски натпревари со цел да се темпира формата и со тоа да се добие јасна слика како одигра подигањето на формата.
Новата сезона екипата на Новаци ја отвара против Охрид во гости.
