По успешната сезона во дресот на прволигашот Силекс, македонскиот фудбалер Дарко Додев ја продолжува својата кариера во странство. Дваесет и осумгодишниот офанзивец е нов член на казахстанскиот клуб ФК Алтај.
Додев зад себе остави одлична сезона со Силекс, во која беше еден од клучните играчи на тимот и имаше значаен придонес во освојувањето на Купот на Македонија. Во домашното првенство и Купот одигра вкупно 26 натпревари, постигна пет погодоци и запиша девет асистенции.
Одличните настапи не останаа незабележани, па Додев доби и повик во македонската сениорска репрезентација за пријателските натпревари против Босна и Херцеговина и Турција.
Со трансферот во Алтај, Додев ќе има можност за нов интернационален предизвик и да го потврди својот квалитет и на казахстанската фудбалска сцена.
Во текот на својата кариера, Додев има настапувано за повеќе македонски клубови, меѓу кои Металург , Брегалница, Шкупи, како и за Силекс, каде го имаше својот најзабележителен период во домашниот фудбал. Покрај настапите во Македонија, тој има искуство и во странство, настапувајќи Влазними.
