Фудбалска Македонија доби нов фудбалски клуб откако беше формиран Металург 2025.
Според информациите достапни на Company Wall, новиот клуб е основа на 9 декември 2025 година, а клубот ќе стартува во Општинската фудбалска лига на Гази Баба односно Четврта лига по ранг на натпреварување.
На официјалната Фејсбук страница на клубот беше истакнато соопштение во кое што се вели дека клубот е создаден со една визија, да се изгради тим со стил, карактер и победнички дух.
„Со голема чест ви го претставуваме ФК Металург 2025. Клуб создаден со една визија – да изградиме тим со стил, карактер и победнички дух. Ова е само почеток на едно ново поглавје. Почнуваме од почеток. Со многу работа, посветеност и љубов кон фудбалот, оваа сезона ќе се натпреваруваме во 4. Општинска фудбалска лига – Гази Баба. Не нè дефинира од каде почнуваме, туку каде сакаме да стигнеме. Добредојдовте во новата приказна на ФК Металург 2025“, велат од клубот.
