Ракометниот клуб Радовиш остана без услугите на кружниот напаѓач Томче Трајчевски, откако искусниот ракометар од Ресен одлучи да се раздели.
Според информациите на Спортска Мрежа, Трајчевски кариерата ќе ја продолжи во нова средина, откако двете страни не постигнаа договор за продолжување на соработката.
Трајчевски во Радовиш пристигна од редовите на Прилеп, а претходно беше дел од Јуниор КВ, Преспа, а потекнува од школата на Младост – Ресен.
Со заминување на Трајчевски од Радовиш, ресенчанецот се става на радарот на неколку екипи кои веќе се заинтересирани да го ангажираат во нивните редови.
