овратникот во Втората македонска фудбалска лига, екипата на Еуромилк од Горно Лисиче денес ги започна летните подготовки за новата сезона.
Шефот на стручниот штаб Јован Трајков ги собра „лисиците“ и со првиот состанок и тренинг означи почеток на подготовките. Како што велат од клибот пред нив е период исполнет со напорна работа, дисциплина и посветеност.
„Лисиците ги запалија моторите! Со многу ентузијазам, желба и победнички дух, денес официјално ги започнавме подготовките за новата сезона. Пред нас е период исполнет со напорна работа, дисциплина и посветеност. Секој тренинг е нов чекор кон нашите цели, а заедно ќе дадеме сè за достоинствено да ги браниме боите на ФК Еуромилк ГЛ.
Заедно сме посилни. Заедно одиме по нови победи! Напред Еуромилк“, се вели во соопштението на екс прволигашот.
„Лисиците“ минатата сезона беа шампиони во Трета лига – Север, а потоа во баражот за влез во Втора лига ја совладаа Каменица Саса и обезбедија враќање во второлигашката конкуренција.
Новата сезона Еуромилк ГЛ ја отвара против ланскиот прволигаш Брера Струмица во гости.
