Второлигашот Новаци го промовираше второто летно засилување за новата сезона, се работи за Кирил Стојков, кој доаѓа од редовите на Кожуф.
Новаци кој го презеде штипскиот тренер Иван Варадиновски продолжува да се засилува од Кожуф, откако претходно од гевгелискиот второлигаш пристигна и Петар Гугуљанов.
Стојков игра на десната бековска позиција, но може да игра и како лев бек и десно крило. Стојков ги мина младинските категории на Кожуф, а за 22-годишниот фудбалер од Гевгелија ова ќе биде негов прв трансфер односно да заигра за друг клуб, заменувајќи го матичниот Кожуф со Новаци.
Стојков одново ќе соработува со Иван Варадиновски, но и со неговиот соиграч Гугуљанов.
Новаци новата сезона ја отвара против Охрид во гости.
