По историскиот успех и пласманот на главниот турнир на Вимблдон, кој го обезбеди со три победи во квалификациите, најдобрата македонска тенисерка Лина Ѓорческа го доби својот противник за првото коло.
Ѓорческа ќе се соочи со Аманда Анисимова од САД, која е поставена за шеста носителка на турнирот и важи за една од најдобрите тенисерки во светот.
Американката минатата година стигна до финалето на Вимблдон, каде беше поразена од Полјачката Ига Швјонтек со убедливи 2-0 во сетови (6:0, 6:0). Анисимова зад себе има и финале на УС Опен, што доволно говори за нејзиниот квалитет и искуство на најголемите светски турнири.
Иако ја очекува исклучително тежок предизвик, самиот пласман на Ѓорческа во главната ждрепка претставува голем успех за македонскиот тенис. Со трите победи во квалификациите таа испиша нова страница во историјата на македонскиот тенис, а настапот против една од фаворитките на турнирот ќе биде можност да се одмери со самиот светски врв.
Дуелот меѓу Ѓорческа и Анисимова ќе биде нивен прв меѓусебен натпревар.
