По успешното премиерно издание, годинава по вторпат ќе се одржи Меморијалниот турнир во мал фудбал „Гоце Коцевски“, спортски настан кој и лани привлече голем број екипи, љубители на спортот и посетители.
Организаторите најавуваат дека и второто издание ќе понуди три дена исполнети со спортски натпреварувања, дружење и фер-плеј, а турнирот ќе се одржи во периодот од 24 до 26 јули 2026 година.
На турнирот ќе настапат вкупно 16 екипи, кои ќе се натпреваруваат по елиминациски систем, а најдобрите состави ќе се борат за шампионскиот трофеј.
Дополнителни информации поврзани со пријавувањето на екипите, наградниот фонд и распоредот на натпреварите ќе бидат објавени во наредниот период.
Организаторите упатија покана до сите љубители на спортот да бидат дел од овој спортски настан и заедно да придонесат за уште едно успешно издание на Меморијалниот турнир „Гоце Коцевски“.
За повеќе информации и пријавување на екипи можете да ги контактирате организаторите на следниот линк.
Инаку, „Спортска Мрежа“ оваа година за првпат ќе биде медиумски покровител на турнирот и одблиску ќе ги следи сите случувања поврзани со овој спортски настан.
