Денес се одигра одложениот меч меѓу Слободен и Студеничани од првото коло на Општинската фудбалска лига Кисела Вода или Четврта лига по ранг натпреварот, за што реагираше Студеничани и бараше мечот да го добие службено, но нивната жалба беше одбиена, за што информираше Спортска Мрежа.
Студеничани денес го одигра одложениот меч од првото коло и со 1:4 го декласираше тимот на Слободен и со тоа Студеничани стана есенски шампион во Општинската фудбалска лига Кисела Вода.
Натпреварот денес го решија Сабри Алиу и Бујамин Асани со по два погодоци, а пак за Слободен единствен стрелец беше Петар Петрушевски.
Со девет од девет и максимални 27 бодови на своето конто екипата на Студеничани е есенски шампион во ОФЛ Кисела Вода. Оваа екипа минатата сезона беше шампион, но немаше среќа во бараж натпреварите, откако првиот го загуби од Пчиња, а вториот од Њу Старс и со тоа остана во ОФЛ Кисела Вода и во оваа сезона.
Студеничани го има најефикасниот напад кој реализираше 52 погодоци, што е убедливо најдобар, а пак одбраната приминала само 2 погодоци што е најдобра одбрана.
На второто место заврши екипата на Слободен со 22 бодови на своето конто, а пак трета е Победа 2012 со 19 бодови.
- ЦЕЛА ТАБЕЛА ВО ОФЛ КИСЕЛА ВОДА:
| Поз. | Клуб | ОН | Поб | Н | Пор | ПОС | ПРИ | ГР | БОД |
|---|---|---|---|---|---|---|---|---|---|
| 1 | ФК Студеничан | 9 | 9 | 0 | 0 | 52 | 2 | +50 | 27 |
| 2 | ФК СЛОБОДЕН | 9 | 7 | 1 | 1 | 38 | 11 | +27 | 22 |
| 3 | ФК ПОБЕДА 2012 | 9 | 6 | 1 | 2 | 25 | 12 | +13 | 19 |
| 4 | ФК СЛАВИЈА ПРЖИНО | 9 | 5 | 1 | 3 | 27 | 19 | +8 | 16 |
| 5 | ФК КУЛ-ЗДРАВЈЕ | 9 | 5 | 0 | 4 | 36 | 19 | +17 | 15 |
| 6 | ФК ТЕКСТИЛЕЦ | 9 | 3 | 2 | 4 | 16 | 17 | -1 | 11 |
| 7 | ФК ЗЕЛЕНИКОВО 2022 | 9 | 3 | 1 | 5 | 27 | 23 | +4 | 10 |
| 8 | ФК ССК НОВА | 9 | 2 | 0 | 7 | 14 | 37 | -23 | 6 |
| 9 | ФК ВАРДАР 75 | 9 | 1 | 1 | 7 | 9 | 45 | -36 | 4 |
| 10 | ФК ССК МЛАДИНЕЦ | 9 | 0 | 1 | 8 | 6 | 65 | -59 | 1 |
Најдобар стрелец во лигата е Сабри Алиу, фудбалерот на Студеничани со 14 погодоци.
ЛИСТА НА ДЕЛ ОД НАЈДОБРИТЕ СТРЕЛЦИ ВО ОФЛ КИСЕЛА ВОДА:
- 14 – Алиу Сабри (ФК Студеничан)
- 10 – Огњановски Горан (ФК ЗЕЛЕНИКОВО 2022)
- 9 – Бакијов Емир (ФК СЛОБОДЕН)
- 9 – Ѕурѕу Никола (ФК КУЛ-ЗДРАВЈЕ)
- 9 – Кадри Риад (ФК Студеничан)
- 9 – Шабани Зејди (ФК Студеничан)
- 8 – Георгиевски Стефан (ФК ПОБЕДА 2012)
- 7 – Џајкоски Леонид (ФК КУЛ-ЗДРАВЈЕ)
- 6 – Најдовски Андреј (ФК СЛОБОДЕН)
- 6 – Продановски Ивица (ФК ЗЕЛЕНИКОВО 2022)
- 5 – Адеми Ељесаи (ФК Студеничан)
- 5 – Здравески Стефан (ФК КУЛ-ЗДРАВЈЕ)
- 5 – Таневски Филип (ФК ТЕКСТИЛЕЦ)
- 5 – Тодоровски Александар (ФК ТЕКСТИЛЕЦ)
- 4 – Асани Бујамин (ФК Студеничан)
- 4 – Блажовски Давид (ФК СЛАВИЈА ПРЖИНО)
- 4 – Деспотовски Петар (ФК СЛОБОДЕН)
- 4 – Дончевски Јовица (ФК КУЛ-ЗДРАВЈЕ)
- 4 – Здравески Петар (ФК СЛАВИЈА ПРЖИНО)
- 4 – Касами Бурим (ФК Студеничан)
- 4 – Миновски Никола (ФК СЛОБОДЕН)
Во пролетниот дел екипата на Студеничани оди да го потврди првото место и одново да стане шампион, а со тоа да има нова шанса за влез во Третата македонска фудбалска лига – Север.
