Последното есенско коло во Трета лига – Југ немаше мирна завршница, откако два натпревари не го дочекаа својот крај.
Натпреварот меѓу Слога 1976 и Влазними Јуниор се одигра само првото полувреме, второто полувреме воопшто и не започна, за што веќе информираше Спортска Мрежа.
„На полувреме претставникот на гостинската екипа побара идентификација за домашниот играч со број 1, побаравме од домашната екипа играчот да се појави. Претставникот на домашната екипа не извести дека одма по завршувањето на првото полувреме му се слоши и со кола го однеле на болница. Поради тоа гостинската екипа изјави дека не сака да го продолжи натпреварот со стекнат резултат 1:1 до полувреме. Гостинската екипа најавува жалба“, се вели во делот за примедби на делегатот во записникот од натпреварот.
Во првиот дел беа постигнати по еден погодок на двете страни, Мерсин Мемедоски постигна гол во 19. минута за 0:1 од пенал, а во 28. минута Ферди Амедоски заработи директен црвен картон со што гостинскиот тим останува без играч помалку на теренот. Во 40. минута од натпреварот Нермин Каришик постигна гол за 1:1.
Ниту натпреварот меѓу Големо Коњари и Дреново 2016 не го дочека својот крај, откако истиот беше прекинат при резултат од 2:1 во 59. минута поради физички напад на главниот судија.
Како што веќе информираше Спортска Мрежа, Михо Андреевски постигна гол за 1:0 на полувреме, а во вториот дел Мустафа Селманоски погоди за 2:0 во 53. минута. Само една минута подоцна Арменд Мемедов погоди за 2:1.
Како што е наведено во самиот записник во 57. минута од натпреварот фудбалерот со број 2 на гостинската екипа Аркан Мустафов во 57. минута добива директен црвен картон.
- ЗАПИСНИК ОД НАТПРЕВАРОТ ГОЛЕМО КОЊАРИ – ДРЕНОВО 2016:
„Во 59. минута од натпреварот настана прекин поради физички напад врз главниот судија. Нахнадно ќе следуваат дополнителни изјави од делегатот и од судиите“, се вели во делот за примедби на делегатот на записникот од овој натпревар.
Дополнително, како што може да видете од записникот погоре играчот Аркан Мустафов кој добил црвен картон, всушност не е Аркан Мустафов, туку играч кој играл на лажна книшка, односно на книшката на Мустафов. Тука навистина е настанат хаос. Мустафов за Спортска Мрежа потврди дека не го одиграл овој натпревар, што значи дека некој друг ја злоупотребил неговата книшка и игра на овој натпревар.
Во следниот период ќе треба да се донесат официјални одлуки за овие два натпревари и дали би имало некакви санкции, какви и за кого?
Како што веќе инфорамираше Спортска Мрежа пред почеток на првенството се откажа екипата на Марена, а во текот на првенството се откажа и екипата на Обршани, со што во овој регион во секое коло има по две слободни екипи. Наместо 14 екипи се натпреваруваат 12.
