Новиот македонски суперлигаш РК Младост 1977 продолжува активно да го комплетира ростерот за претстојната сезона, а најново засилување е повратникот Благој Панов, кој повторно ќе го брани голот на тимот од Богданци.
Младиот голман, роден во 2004 година, не е непознато име за навивачите на Младост. Панов претходно три сезони успешно го носеше дресот на клубот, оставајќи одличен впечаток со своите настапи и придонес во тимот.
По двегодишниот престој во редовите на Тиквеш, каде што настапуваше во македонската Суперлига и стекна дополнително меѓународно искуство, Панов одлучи да се врати во Богданци и повторно да биде дел од проектот на Младост.
Од клубот веруваат дека неговите квалитети, рефлекси, борбен дух и победнички карактер ќе бидат од големо значење во суперлигашките предизвици што претстојат. Панов ќе ја засили конкуренцијата на голманската позиција и заедно со искусниот Живојин Илиќ и Горан Паунков ќе формира силен голмански тандем во составот на Младост.
Во РК Младост 1977 не го кријат задоволството од враќањето на еден од своите поранешни играчи, потенцирајќи дека клубот продолжува да гради млад, квалитетен и перспективен тим кој ќе има долгорочни амбиции во македонскиот ракомет.
Со ангажманот на Панов, богданчани добиваат сигурност меѓу стативите и уште една причина за оптимизам пред новата сезона во елитното ракометно друштво.
Очекувањата се младиот чувар на мрежата да биде важен дел од тимот и да придонесе за нови успеси на Младост во Суперлигата.
