Младите фудбалери на ГФК Неготино достојно го претставија клубот, градот Неготино и Македонија на меѓународниот турнир „Спортинг Куп 2026“ во Србија, остварувајќи одлични резултати во повеќе генерации.
Генерацијата 2015 го заврши својот настап во четвртфиналето, каде по голема борба беше поразена од екипата на ФК Ника со минимални 0:1. И покрај елиминацијата, младите фудбалери заслужуваат пофалби за прикажаната игра, борбеноста и односот кон натпреварите во текот на турнирот.
Особен успех оствари генерацијата 2018, која успеа да го освои третото место и да се искачи на победничкиот подиум. Младите надежи на ГФК Неготино со својата пожртвуваност, желба за игра и тимски дух уште еднаш покажаа дека клубот располага со талентирана иднина.
Од клубот истакнуваат дека настапот на турнирот претставува уште едно прекрасно претставување на ГФК Неготино, градот Неготино и Македонија на меѓународна сцена, а освоениот бронзен медал е награда за трудот и посветеноста на најмладите фудбалери.
Со медали околу вратот, ново стекнато искуство и многу насмевки, младите фудбалери се враќаат во Неготино горди на постигнатото и мотивирани за нови предизвици.
ГФК Неготино воспостави соработка и со НЛБ Спорт за млади.
