Ракометниот клуб Младост 1977 продолжува со формирањето на тимот за новата суперлигашка сезона, а раководството на клубот обезбеди продолжување на соработката со искусниот голман Живојин Илиќ.
Српскиот чувар на мрежата пристигна во Богданци пред само еден месец, а беше клучен во баражот против Струга за влез во Супер лига.
Илиќ беше дел од тимот во клучните натпревари од завршницата на сезоната, а неговото искуство, сигурност на голот и лидерски квалитети беа важен фактор во успешниот бараж преку кој Младост обезбеди враќање во елитното ракометно друштво.
Од клубот веруваат дека искусниот голман ќе има значајна улога и во претстојните суперлигашки предизвици. Илиќ зад себе има богата меѓународна кариера и настапувал во клубови од Норвешка, Чешка, Босна и Херцеговина и Србија, што претставува дополнителна вредност за тимот од Богданци.
Со задржувањето на Илиќ, Младост добива стабилност на голманската позиција и уште еден искусен ракометар кој треба да помогне клубот успешно да се претстави во новата сезона од македонската Супер лига.
Младост веќе ги започна активностите за засилување на ростерот, а продолжувањето на соработката со Живојин Илиќ е уште еден показател за амбициите на клубот да биде конкурентен во елитното натпреварување.
