Македонската машка одбојкарска репрезентација денеска го забележа вториот пораз во Европската лига, откако на гостувањето во Атина беше совладана од селекцијата на Грција со максимални 3:0 во сетови.
Домаќините уште од самиот почеток го наметнаа својот ритам и го добија првиот сет со 25:19. Во вториот сет македонските одбојкари се обидоа да се вратат во натпреварот, но Грците повторно беа подобри и славеа со 25:20. Најголема неизвесност имаше во третиот сет, каде што Македонија пружи силен отпор, но на крајот беше поразена со 25:23.
Најефикасен во редовите на Македонија беше капитенот Никола Ѓорѓиев со 11 освоени поени, додека Филип Савовски додаде 10 поени.
За македонската репрезентација ова е втор пораз во годинешното издание на Европската лига.
Нашите одбојкари вечерва се враќаат во Скопје, каде ќе ги продолжат подготовките за следните предизвици. Веќе на 19 јуни Македонија ја очекува нов натпревар, против селекцијата на Косово, во рамките на продолжението од Европската лига.
