Новиот прволигаш Шкендија Арачиново преку официјално соопштение потврди дека во новата сезона како прволигаш домашните натпревари ќе ги игра на стадионот во Чаир.
Клубот од Арачиново информираше дека постигнале договор со раководството на ФК Шкупи за домашните натпревар од новата сезона да ги игра на стадионот во Чаир.
„Со задоволство ве известуваме дека ФК Шкендија Арачиново постигна официјален договор со раководството на ФК Шкупи сите домашни натпревари во новата сезона да ги игра на стадионот во Чаир. По тој повод, искрено му се заблагодаруваме на раководството на ФК Шкупи за коректноста и гостопримството, како и на градоначалникот на Општина Чаир, г. Изет Меџити, за поддршката дадена во реализацијата на оваа соработка. На крајот, на нашиот братски клуб ФК Шкупи од срце му посакуваме многу успеси и што побрзо враќање во елитата на нашиот фудбал – таму каде што му е местото и каде што припаѓа неговата историја. Ве очекуваме на трибините во Чаир за заедно да ја започнеме оваа нова сезона“, велат од новиот прволигаш.
Од клубот истакнуваат дека ја очекуваат поддршката од навивачите на трибините на стадионот во Чаир.
