Со убедлива победа од 7:3 екипата на Кочани го доби баражот против Билјанини Извори и избори опстанок во Првата женска фудбалска лига, а тимот од Охрид останува второлигаш.
Иако екипата на Билјанини Извори стигна до предност од два гола до крај на полувремето беше 2:2, а во вториот дел следуваше пресврт за победа на Кочани и опстанок во елитата.
Сепак голем проблем за второлигашот од Охрид беше тоа што тимот подолг период немаше натпреварувачки ритам бидејќи беше прекината Втората лига во десеттото коло, но Билјанини Извори спортски го прифаќа поразот и му честита на противникот.
По две грешки на Кочани во одбраната, екипата на Билјанини Извори по осум минути игра имаше предност од 0:2 преку головите на Марија Јулчовска која го отвори резултатот, а потоа двојна предност донесе Ивана Николовска по одлична асистенција на Стефанија Ристова.
Кочани имаше една одлична шанса од слободен удар на Катерина Милеска која ја погоди гредата.
Екипата на Кочани ја намали предноста преку гол на Андреа Донева со удар од далечина, но голманката на тимот од Охрид направи голема грешка откако буквално топката и лизна од раце.
Израмнувањето стигна во Милеска по едно мало невнимание на одбраната на Билјанини Извори за 2:2 на полувреме.
Во вториот дел двете екипи со активна игра на теренот бараат шанса и можност за погодок.
Комплетниот пресврт се случи во 59. минута кога Џенита Кицара постигна гол за водство на Кочани од 3:2. Во 62. минута следуваше гол за водство на Кочани од 4:2 откако атрактивен гол постигна Марија Велиновска по одлична асистенција на Милеска.
Брзо се распадна играта на тимот од Охрид откако Милеска постигна втор гол за висока предност од 5:2.
Јована Стојанов во 84. минута од средбата во Ѓорче Петров погоди за високи 6:2.
Во 88. минута Џенита со нов гол зголеми на 7:2, а голманката на охридскиот тим се покажа одново слаба карика во тимот. Во финишот од средбата Стефанија Ристова постигна еврогол за конечни 7:3.
Кочани останува во Првата женска фудбалска лига и следната сезона заедно со Скопје, Тиверија Брера, Истатов, Љуботен, Каменица Саса, Ас Јунајтед, Вардар, Речица и Конзули.
