Со одигрувањето на баражите за Втора и Прва лига познат е изгледот на Втората македонска фудбалска лига за следната сезона.
Од минатата сезона во второлигашкото друштво останаа Охрид, Беласица, Осогово, Новаци, Детонит Плачковица, Кожуф и Тетекс, од Прва лига директно испаднаа Работнички, Македонија ЃП, Шкупи, во баражот беа поразени и испаднаа Брера и Пелистер, а нови второлигаши се Еуромилк ГЛ и Камјани, кој доаѓаат од Трета лига – Север односно Запад.
Ваква силна конкуренција во Втора лига не се памети, многу поранешни шампиони на Македонија, екипи кои го освојувале Купот на Македонија, екипи кои играле европски квалификации сега се дел од Втора лига.
Борбата и конкуренцијата за враќање во елитата ќе биде огромна, со право ќе биде најсилната сезона во второлигашка конкуренција.
Ваквата силна конкуренција ќе ги натера екипи да креираат квалитетни тимот, значително финансиско вложување со цел да може да бидат конкурентни во следната сезона, бидејќи како што конкуренцијата за Прва лига ќе биде силна, уште посилна ќе биде и за опстанок.
Ако во минатите неколку сезони од самиот старт на првенството имаше прежалени екипи кои беа отпишани и тоа им создаваше комфорна зона за многу екипи, сега тоа е минато.
