Екипата на Каменица Саса се сели во Трета лига – Исток, откако загуби во бараж мечот од Еуромилк ГЛ со 1:2, со што „лисиците“ од Горно Лисиче по долги години се враќаат во Втора лига.
Натпреварот во првиот дел понуди чисти мрежи (0:0), па сите работи се решаваа во вториот дел од средбата која се играше во Кратово.
Резултатот го отвори Димитар Стојановски во 47. минута од средбата за водство на „лисиците“ од 0:1. Потоа „рударите“ останаа со играч помалку на теренот, откако Филип Николовски доби црвен картон во 53. минута.
Во 73. минута од мечот Даријан Трајчов со вистински еврогол бомба израмни на 1:1. Но, казната за тимот од Македонска Каменица стигна во самиот финиш од средбата односно во 89. минута кога искусниот голгетер и најдобар стрелец на Трета лига – Север, Орхан Мифтар постигна гол за конечни 1:2 со што Еуромилк ГЛ е нов второлигаш, а Каменица Саса е нов третолигаш.
Во судиското надополнување и Дамјан Ќосески доби црвен картон, кога веќе сите работи беа јасни.
Екс прволигашот Еуромилк ГЛ е нов второлигаш, Каменица Саса по долги години се враќа во Трета лига – Исток.
