Шампионот на Трета лига – Запад, екипата на Камјани е нов второлигаш откако денес со 0:2 славеше во бараж дуелот против Победа Валандово, кој се одигра на Градскиот стадион во Штип.
По само осум минути игра тимот на Камјани дојде до два гола предност, а која потоа ја одржуваше во текот на целиот меч.
Победа Валандово која стана шампион во Трета лига – Исток и следната сезона ќе игра во третолигашкото друштво, откако не успеа да го помине баражот за влез во ранг погоре.
Резултатот го Штип го отвори капитенот Арлинд Берзати кој постигна гол во 5. минута од средбата. Веќе во 8. минута од средбата Арменд Адеми постигна гол за 0:2.
До крајот од мечот немаше погодоци, а по последниот судиски свиреж започна славјето на трибината каде што беа навивачите на Камјани.
Вечерва ќе се слави во Камењане овој голем успех, Камјани следната сезона ќе игра во Втората македонска фудбалска лига.
