Кошаркарската федерација на Македонија ќе биде организатор на завршниот турнир во машката М16 лига, кој ќе се одржи на 30 и 31 мај во салата „Лазар Лечиќ“ во Скопје.
До ваква одлука дојде откако ниту еден од четирите клуба-финалисти не поднесе пријава на лицитацијата за организација на Ф4 турнирот од „Адастра“ младинските лиги.
Познат е и распоредот на натпреварите. Во полуфиналето, кое е закажано за 30 мај, ќе се сретнат Вардар и Работнички од 18 часот, додека вториот дуел меѓу Водно Санс и Феникс 2010 ќе започне во 20:30 часот.
На 31 мај ќе се одигра натпреварот за третото место со почеток од 18 часот, а големото финале е закажано за 20:30 часот, по кое ќе биде крунисан шампионот во машката М16 конкуренција.
ФИНАЛЕН ТУРНИР М16 ЛИГА-МАЖИ
ПОЛУФИНАЛЕ – ДВОЈКИ
30.МАЈ (САБОТА)
18.00: Вардар – Работнички (1)
20.30: Водно санс – Феникс 2010 (2)
31.МАЈ (НЕДЕЛА)
НАТПРЕВАР ЗА ТРЕТО МЕСТО
18.00: Поразен 1 – Поразен 2
ФИНАЛЕ
20.30: Победник 1 – Победник 2
Сите натпревари ќе се играат во спортската сала „Лазар Лечиќ“ во Скопје.
