Познати се стадионите на кои ќе се одиграат бараж натпреварите за пополнување на местата во Прва македонска фудбалска лига за следната сезона.
На стадионот во Битола силите ќе ги одмерат АП Брера Струмица и Скопје. Струмичани ќе се обидат да го задржат прволигашкиот статус, додека Скопје ќе атакува на враќање во македонската фудбалска елита.
Во Кавадарци, пак, ќе се одигра вториот бараж дуел меѓу Пелистер и Шкендија Арачиново. Битолчани ќе водат битка за опстанок во Првата лига, додека второлигашот од Арачиново ќе се надева на историски пласман во најсилната конкуренција, дознава Спортска Мрежа, а се чека потврда во текот на утрешниот ден од страна на ФФМ.
Победниците од двата натпревари ќе обезбедат место во Првата македонска фудбалска лига за сезоната 2026/2027.
Бараж средбите се закажани за недела, 31 мај, со почеток од 16:30 часот.
