ФК Пелистер уште еднаш покажа дека фудбалот не е само резултат и борба за трофеи, туку и почит, спортски дух и вистински вредности кои се градат од најмала возраст.
Пред почетокот на денешниот натпревар во пионерската конкуренција, младите фудбалери на Пелистер предводени од тренерот Тодоровски со шпалир ги поздравија своите врсници од Македонија Ѓорче Петров, кои веќе ја обезбедија шампионската титула во пионерската лига.
Со овој гест, „зелено-белите“ испратија силна порака за фер-плеј и меѓусебна почит, покажувајќи дека спортот треба да обединува и да создава вистински личности, а не само успешни фудбалери.
Моментот во Битола беше поздравен од присутните и претставува пример како треба да изгледа спортската култура кај младите генерации.
