Новиот шампион на Македонија, Вардар, започна со формирање на тимот за следната сезона и настапите на европска сцена, а прво засилување за „црвено-црните“ е португалскиот интернационалец Мигуел Пиреш од редовите на Силекс.
29-годишниот офанзивец веќе постигнал договор со Вардар и се очекува да се пресели во Скопје по завршувањето на сезоната. Пиреш зад себе има одлична сезона во дресот на кратовци, каде беше еден од најважните фудбалери на тимот.
Португалецот сезонава постигна 11 погодоци и запиша четири асистенции, со што го привлече вниманието на повеќе клубови од Македонија и регионот, но најконкретен бил актуелниот шампион Вардар.
Со ваков потег Вардар јасно покажува дека амбициите за следната сезона се високи, особено пред настапите во квалификациите за Лигата на шампионите.
