Екипата на Јуниор од Доброшане е нов шампион на Општинската фудбалска лига Куманово, откако во големото финале славеше минимална победа од 0:1 против Победа од Тромеѓа.
Херој на финалниот натпревар беше Никица Петрушевски, кој го постигна единствениот погодок вреден шампионски пехар и пласман во Трета лига – Север од следната сезона.
Јуниор одигра одлична сезона, а Петрушевски уште еднаш потврди дека е лидер на тимот. Тој беше и најдобар стрелец во лигата со 13 постигнати голови на осум натпревари, а на својот голгетерски ефект додаде уште еден погодок – најважниот, токму во финалето.
Со шампионскиот триумф, Јуниор од Доброшане заслужено обезбеди место во Трета лига – Север, каде од наредната сезона ќе има можност да се натпреварува во повисок ранг.
