Утре се игра финалето од Купот на Македонија на Националната арена во Скопје со почеток од 20 часот меѓу Силекс и Шкендија.
Познати се судиите кои ќе ја делат правдата на 34. финале од Националниот фудбалски Куп.
Игор Стојчевски од Скопје ќе биде главен арбитар на финалната Куп пресметка, а негови асистенти ќе бидат Тоше Ицев од Кавадарци и Вјолца Изеири од Гостивар. Четврт судија ќе биде Бењамин Ќерими од Скопје.
ВАР судија ќе биде Александар Грујоски од Кичево, а АВАР судија ќе биде Гоце Петрески од Скопје. Виктор Васев ќе биде оператор за повторување на снимката.
Делегат на натпреварот ќе биде Станко Манчевски од Радовиш, контролор ќе биде Никола Караколев од Штип. Резервен асистент судија ќе биде Ристо Ѓоргиев од Штип.
Финалето се игра утре, а ќе стартува во 20 часот.
