ГФК Неготино уште еднаш се покажа како одличен организатор и вистински спортски домаќин, откако успешно беше реализиран завршниот турнир од ФФМ Детската фудбалска лига за Централниот регион.
Градскиот стадион во Неготино беше исполнет со детска радост, многу емоции, атрактивни потези и фер-плеј, а младите фудбалери покажаа дека македонскиот детски фудбал има светла иднина.
На турнирот настапија дури 35 генерации, а беа одиграни вкупно 23 натпревари во одлична организација на ГФК Неготино. Натпреварите поминаа во спортски дух и позитивна атмосфера, додека трибините беа исполнети со родители, тренери и љубители на фудбалот кои им даваа поддршка на најмладите.
Од клубот упатија благодарност до сите екипи, тренери, родители и посетители кои беа дел од овој спортски настан и придонесоа за прекрасната атмосфера на стадионот во Неготино.
Со вакви настани Неготино уште еднаш потврди дека знае да биде вистински домаќин на големи спортски случувања, а ГФК Неготино покажа сериозен организациски капацитет во развојот и афирмацијата на младинскиот фудбал.
Честитки за финалистите во сите шест генерации, а на најуспешните им претстои настап на финалниот турнир во Скопје.
