Ракометарите на ГРК Охрид официјално ги добија термините за двомечот против Татабања во големото финале на ЕХФ Европскиот Куп. Охриѓани ќе имаат историска шанса да се борат за европски трофеј, а првата пресметка ќе се одигра во Унгарија.
Првиот финален натпревар е закажан за 24 мај во Татабања со почеток од 17 часот, додека реваншот ќе се игра една недела подоцна, на 31 мај во салата „Билјанини извори“ во Охрид со почеток од 20 часот.
Избраниците на Ројевиќ, сезонава веќе испишаа историја со пласманот во финалето, а сега ги очекуваат уште два натпревари за најголемиот успех во клупската историја.
Атмосферата во „Билјанини извори“ веќе се најавува како спектакуларна, особено по еуфоричната поддршка која охридските ракометари ја добиваа во текот на целата европска сезона.
