Радовиш од денес и официјално добива нов ракометен клуб, откако РК Феникс попладнево ќе го одржи својот прв тренинг и официјално ќе започне со работа.
Стартот на новата спортска приказна е закажан за 17:15 часот во СРЦ „25 Мај“ во Радовиш, каде најмладите љубители на ракометот ќе имаат можност да ги направат своите први чекори во дресот на новиот клуб.
Од РК Феникс најавуваат работа со лиценцирани и посветени тренери, а фокусот ќе биде ставен на правилен спортски развој, дисциплина, тимски дух, самодоверба и создавање здрави животни навики кај децата.
Тренинзите ќе се одржуваат три пати неделно – во понеделник, среда и петок со почеток од 17:15 часот.
Од клубот упатија покана до сите деца и родители да присуствуваат на денешниот официјален почеток, каде ќе имаат можност да се запознаат со визијата, организацијата и начинот на работа на новиот радовишки ракометен колектив.
Воедно, уписите за нови членови остануваат отворени, а од РК Феникс порачуваат дека секое дете кое има желба за спорт, дружење и ракомет е добредојдено во клубот.
