Машката сениорска репрезентација на Македонија го одржа официјалниот собир пред клучниот бараж натпревар против Словачка за пласман на Светското првенство 2027. Дуелот ќе се одигра на 14 мај во 19:00 часот во Прешов, Словачка.
На собирот беше присутен целиот репрезентативен состав и стручниот штаб, кои го означија почетокот на завршните подготовки за овој важен предизвик. Атмосферата беше работна и мотивирачка, со јасен фокус на претстојниот бараж.
Претседателот на Ракометната федерација на Македонија, Александар Стефанов, лично ги поздрави репрезентативците и стручниот штаб и им посака многу среќа, борбеност и успешен настап во решавачкиот натпревар кој носи билет за светската сцена.
Сè е насочено кон овој двомеч, кој може да ја отвори вратата кон уште едно, ново големо ракометно поглавје.
