Арсими денеска пред своите навивачи во Гостивар ќе го одигра еден од најважните натпревари сезонава. Во дуелот против Башкими, домашниот состав ќе атакува на три бода кои би можеле значително да го доближат до обезбедување опстанок во Првата лига.
Во пресрет на важниот натпревар, свое видување даде дефанзивецот Џелил Абдула, кој истакна дека тимот очекува тежок и неизвесен дуел, но дека целта на Арсими останува јасна – победа и нов голем чекор кон исполнување на сезонската цел.
”Нè очекува многу тежок натпревар бидејќи го знаеме квалитетот што го поседува Башкими, но нашата цел е јасна позитивен резултат. Малку сме разочарани што не ги освоивме трите бода против Тиквеш, но и еден бод значи многу во овие последни натпревари од сезоната”, изјави Абдула.
