АП Брера во претходното коло стигнаа до исклучително важна победа на гостувањето кај Струга, но освоените бодови нема да имаат големо значење во битката за директен опстанок доколку денеска не бидат потврдени со нов триумф против Работнички.
Младиот состав предводен од Шефки Арифовски успеа да стави крај на серијата негативни резултати, а сега пред себе има нов предизвик – да покаже дека може да игра квалитетно и во континуитет во клучниот дел од сезоната.
„Подготвени сме за ново надигрување. Ќе биде ова уште еден мошне тежок натпревар, затоа што и на Работнички трите бода многу му значат“, е пораката која доаѓа од АП Брера.
