Екипите на Кожув, Вардар, Водно Санс и Феникс 2010 ќе играат на завршниот турнир од М20 лигата во машка конкуренција, откако ги добија четвртфиналните серии од доигрувањето за шампионската титула.
Екипата на Вардар дојде до пласман во полуфиналето со двете победи во серијата против Младинец.
Истото го направија и младите кошаркари на Водно санс, кои во само два меча го елиминираа составот на Вибас.
Без проблеми, место во првата „четворка“ обезбеди екипата на Феникс 2010, беше подобра од кавадаречки Тиквеш Голден Игл, исто така во само две одиграни средби.
Последниот полуфиналист е екипата на Кожув.
Гевгеличани во два наврати излегоа како победници во серијата против екипата на МКК Куманово.
А согласно со пласманот во регуларниот дел од сезоната во М20 лигата, во полуфиналето следуваат мечевите во кои ќе играат:
Вардар – Феникс 2010
Водно санс – Кожув
Согласно со календарот за натпреварување, финалниот турнир во оваа возрасна категорија ќе се игра на 16 и на 17.мај, а домаќинот ќе биде одреден дополнително.
М20 ЛИГА-МАЖИ
ЧЕТВРТФИНАЛЕ – РЕЗУЛТАТИ
Вардар – Младинец 97:48
Младинец – Вардар 59:97
*Екипата на Вардар ја доби серијата со (2-0) и се пласираше во полуфиналето
Водно санс – Вибас 103:83
Вибас – Водно санс 69:81
*Екипата на Водно санс ја доби серијата со (2-0) и се пласираше во полуфиналето
Кожув – МКК Куманово 76:65
МКК Куманово – Кожув 69:84
*Екипата на Кожув ја доби серијата со (2-0) и се пласираше во полуфиналето
Феникс 2010 – Тиквеш ГИ 92:72
Тиквеш ГИ – Феникс 2010 75:100
*Екипата на Феникс 2010 ја доби серијата со (2-0) и се пласираше во полуфиналето
ПОЛУФИНАЛЕ – ДВОЈКИ
Вардар – Феникс 2010
Водно санс – Кожув
*Финалниот турнир ќе се игра на 16/17.мај
