Екипата на Балкан која е лидер во Втората футсал лига на Македонија овој викенд е слободна, но клубот ќе се посвети темелно на ангажирање на нови засилувања за пролетната полусезона, но дополнително се работи и на буџетот за следниот период, со што Балкан уште еднаш ја потврдува својата сериозна заложба да обезбеди пласман во Првата футсал лига.
Засега екипата доминира во Втората футсал лига со 6 победи и еден пораз од седум одиграни натпревари, го има најефикасниот напад кој постигнал 55 погодоци, а притоа го има и најдобриот стрелец во лигата, а тоа е Ибрахим Алији со 21 погодок, како што веќе информираше Спортска Мрежа.
До комплетирање на есенската полусезона пред Балкан се два натпревари, едниот од Купот на Македонија и еден од првенството на домашен терен против ланскиот прволигаш Овче Поле, меч кој ќе биде и дерби бидејќи и Овче Поле најави амбиции за експресно враќање во Првата лига, па овој меч и можеби ќе биде меѓу клучните за решавање на патниците кон Првата лига.
Во секој случај екипата на Балкан најавува уште поголема заложба како на терен за уште подобри резултати, така и околу засилувањата и буџетот за полесен пат кон Првата лига и продолжување на одличната игра и во футсал елитата на Македонија.
