Оваа сезона рамноправна борба за титулата во ракометната Суперлига ќе водат дури три екипи, нешто што одамна не се случило барем во последните 15-тина години, со оглед на тоа што во минатото борбата за титулата ја водеа Вардар и Металург, потоа Вардар со Еурофарм Пелистер, но од минатата сезона веќе на ракометната сцена во Македонија гледаме рамноправна борба за титула на Алкалоид, Вардар и Еурофарм Пелистер.
Но, сериозно се вмешува и Охрид, можеби нема директно да конкурира за титула, но „гладијаторите“ и тек како можат во „Билјанини Извори“ да ја одлучат титулата.
Во однос на табелата Алкалоид е на врвот од истата со 22 бодови на своето конто, колку што има и Вардар кој е втор, додека пак актуелниот шампион Еурофарм Пелистер е трет со 20 бодови на своето конто.
На четвртото место на суперлигашката табела е екипата на Охрид, која има 18 освоени бодови преку девет победи и три порази.
И веднаш има драстична разлика на табелата, Бутел е на 5. место на табеоата со 14 бодови, а пак екипите на Пролет и Тиквеш имаат по 11 бодови за делба на шестата позиција, додека пак Прилеп е осми со 10 бодови. Може да воочите од самата табела дека екипите на Пролет, Тиквеш и Прилеп ќе водат борба за шесттото место кое води кон плеј-офот, една од овие екипи ќе извиси и ќе игра плеј-аут.
- ЦЕЛА ТАБЕЛА ОД СУПЕРЛИГАТА:
| П | Екипа | Н | П | Р | И | ДГ | ПГ | ГР | Б |
|---|---|---|---|---|---|---|---|---|---|
| 1 | РК Алкалоид | 12 | 11 | 0 | 1 | 418 | 297 | +121 | 22 |
| 2 | РК Вардар 1961 | 12 | 11 | 0 | 1 | 367 | 298 | +69 | 22 |
| 3 | РК Еурофарм Пелистер | 12 | 10 | 0 | 2 | 409 | 286 | +123 | 20 |
| 4 | ГРК Охрид | 12 | 9 | 0 | 3 | 382 | 288 | +94 | 18 |
| 5 | РК Бутел Скопје | 12 | 7 | 0 | 5 | 322 | 297 | +25 | 14 |
| 6 | РК Пролет 62 | 12 | 4 | 3 | 5 | 315 | 323 | -8 | 11 |
| 7 | ГРК Тиквеш 2014 | 12 | 5 | 1 | 6 | 338 | 349 | -11 | 11 |
| 8 | РК Прилеп | 12 | 4 | 2 | 6 | 337 | 385 | -48 | 10 |
| 9 | МРК Куманово | 12 | 3 | 0 | 9 | 316 | 372 | -56 | 6 |
| 10 | РК Бисинов Ф. Л. | 12 | 2 | 1 | 9 | 300 | 388 | -88 | 5 |
| 11 | РК Струга | 12 | 2 | 0 | 10 | 311 | 398 | -87 | 4 |
| 12 | РК Радовиш | 12 | 0 | 1 | 11 | 276 | 410 | -134 | 1 |
На деветотот место на табелата е екипата на Куманово која има шест бодови, Бисинов на своето конто има пест бодови и изби на десеттото место, Струга е на 11-тото место со четири бодови, а на дното е Радовиш со само еден бод и единствен тим кој нема триумф.
Еурофарм Пелистер има најдобра гол разлика од +123, а пак Алкалоид има +121, најлоша гол разлика има екипата на Радовиш од минус 134.
