Убедлива победа забележа екипата на Кратово која со 8:1 го декласираше Овче Поле од Свети Николе, во рамки 21. коло на Втората футсал лига на Македонија.
Хет-трик за домашниот тим имаше Горан Арсовски, двоен стрелец беше Валентино Јовановски, додека пак по еден гол за победничкиот тим постигнаа Драган Стефанов, Ѓорѓи Ивановски и Никола Стојчевски.
За гостинот од Свети Николе единствен стрелец беше Лука Наумов кој погоди во 35. минута од средбата.
СЕЕ Университи триумфираше во Липково каде со 5:9 славеше над Карадаку за нови три бодови на патот кон Прва лига.
За домашниот тим хет-трик забележа Шуајб Шукрија, а пак по еден гол постигнаа Омер Саќипи и Јакуп Емини, за гостинската екипа по три гола постигнаа Зеќирија Османи и Исмет Цека, двапати стрелаше Гезим Азизи, а пак Аки Шукрија од домашниот тим си постигна автогол.
Во рамки на 21. коло во сабота Каршиака ќе игра против ССК, а во понеделник Фудбал Старс во Кочани ќе се соочи со Црна Река, додека пак тимот на Железарец кој веќе ја обезбеди шампионската титула и направи експресно враќање во елитата ќе биде слободен.
