Одбојкарките на Фит Фан Волеј и следната сезона ќе бидат дел од Првата лига жени, откако успешно ја минаа бараж фазата и го задржаа прволигашкиот статус.
Избраничките на Благоја Ставревски со убедливи 2-0 во победи славеа против второпласираниот тим од Втората лига, Вардар жени 2019. По триумфот од 3:1 на гостински терен изминатиот викенд, Фит Фан Волеј денеска пред својата публика стави печат на опстанокот со максимална победа.
Со тоа е комплетиран списокот на екипи за сезоната 2026/2027 во Првата лига жени. Покрај останатите прволигаши, место во елитата обезбеди и Фламинго Волеј, кој како шампион на Втората лига ќе настапува во повисок ранг.
